ڕۆژا ئێـکشەمبی ڕێــککەفتی (١٠-١٢-٢٠٢٣) بەرێز (پ.ھ.د شێروان محمد سمو) سەرۆکێ پشکا ئەندازیاری یا پترۆلێ، (پ.د. عمر محمد علی) سەرۆکێ پشکا ئەندازیاری یا میکانیكێ پێشوازیەکا گەرم ل قارەمانێن قارەمانیا تەپاپێ یا تایبەت ب کۆلیژا زانست و پزیشك و ئەندازیاری کرن و وان دەستکەفتێ قارەمانیێ پێشکێشی پشکا خۆ کرن.
هەژیە بێژین؛ ڕۆژا پێنجشەمبێ ڕێـککـەفتی (٧-١٢-٢٠٢٣) دوماهیك یاری ژ قارەمانیا تەپاپێ یا تایبەت ب هەرسێ کۆلیژێن ناڤبری دناڤبەرا دوو تیمێن کۆلیژا ئەندازیاری (پترۆل قۆناغا ٤، میکانیك قۆناغا ٤) هاتە ئەنجامدان.
د یاریا دوماهییێ دا؛ ب ئەنجامێ (٤:٣) ب لێدانێن پەنالتیا د بەرژەوەندیا تیما پترۆل قۆناغا (٤) ب دوماهی هات، ئەڤ قارەمانیە هاتبوو ڕێکخستن ژلایێ (ئێکەتیا قوتابیێن کوردستانێ) بۆ هەرسێ کۆلیژێن زانست و پزیشك و ئەندازیاری.
د ئەڤێ قارەمانیێدا قوتابیێن پشکا پترۆلێ قۆناغا (٤)ـێ ب سەرکەفتیێن ئێکێ و قوتابیێن پشکا میکانیك قۆناغا (٤)ـێ سەرکەفتیێ (٢)ـێ هاتنە خەلاتکرن.